USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
“ASAN xidmət” BMT-nin Cənub-Cənub əməkdaşlığı platformasında qabaqcıl təcrübə hesab olunur

2018-ci il mart ayında İslam İnkişaf Bankı (İİB) üzv ölkələrin ən qabaqcıl təcrübələrini əks etdirən məqalələrdən ibarət “Reverse Linkage” (Qarşılıqlı əlaqə) dərcinin ilk nömrəsini nəşr etdirib. Buraxılışda “Dövlət xidmətlərinin göstərilməsində innovasiyalar - Azərbaycandan baxış” adlı məqalə “ASAN xidmət” təcrübəsinə həsr edilib.

Məqalədə son illərdə Azərbaycanın sosial-iqtisadi həyatının bütün sahələrində, o cümlədən dövlət xidmətlərinin göstərilməsində aparılmış uğurlu islahatlardan söhbət açılıb. Qeyd olunub ki, bu islahatların ən böyük hissəsi 2012-ci ildə “ASAN xidmət”in yaradılmasının payına düşür. 

Məqalədə əks olunub ki,  “ASAN xidmət”in yaradılması məqsədi dövlət xidmətlərinə əlçatanlığın təmin edilməsi, dövlət qulluqçularının peşə bacarıqlarının inkişaf etdirilməsi, şəffaflığın artırılması, korrupsiyaya qarşı mübarizənin gücləndirilməsidir. 

Daha sonra “ASAN xidmət”in beynəlxalq mühitdə əldə etdiyi uğurları, 2015-ci ildə “ASAN xidmət”in BMT-nin “Dövlət xidmətlərinin göstərilməsinin təkmilləşdirilməsi” kateqoriyasında ən yüksək mükafata - 1-ci yerə layiq görülməsi xüsusi qeyd edilib. BMT-nin 2030 Dayanıqlı İnkişaf Məqsədləri gündəliyinə uyğun olaraq, Dövlət Agentliyinin “ASAN xidmət” üzrə təcrübə və nou-hauları tərəfdaş ölkələrə ötürmək üçün bir çox beynəlxalq əməkdaşlığa imza atıb. 

Əməkdaşlığın nəticəsi olaraq Əfqanıstanda dövlət xidmətlərinin göstərilməsində eyniadlı qurum “ASAN khedmat”in təsis edilməsi vurğulanıb. 

Məqalədə Dövlət Agentliyinin İndoneziya, İslam Təhsil, Elm və Mədəniyyət Təşkilatı (İSESKO) ilə dövlət xidmətlərinin göstərilməsi sahəsində əməkdaşlığa dair Anlaşma Memorandumu imzalaması xüsusi qeyd olunub. 

Həmçinin, Dövlət Agentliyi Cənub-Cənub əməkdaşlığı platforması ilə yanaşı bir çox ölkələrlə ikitərəfli və çoxtərəfli formatda əməkdaşlığını davam etdirməkdədir.  

Dövlət Agentliyi İtaliya, Fransa, Koreya, Portuqaliya, Monteneqro və digər ölkələr ilə ikitərəfli əməkdaşlıqdan savayı, BMT-nin bir sıra qurumları ilə səmərəli əməkdaşlıq edir. Əməkdaşlığın nəticəsi olaraq 22 mart 2018-ci il tarixində BMT-nin İnsan Hüquqları Şurasının  37-ci sessiyasında Azərbaycanın təşəbbüsü ilə “Dövlət xidmətlərinin şəffaf, məsuliyyətli və səmərəli çatdırılması vasitəsilə insan hüquqlarının və Davamlı İnkişaf Məqsədlərinin təşviqi” adlı qətnamə qəbul edilib. Qətnamənin məqsədi ölkəmizin korrupsiyaya qarşı mübarizə sahəsində mühüm nailiyyətlərindən biri hesab edilən “ASAN xidmət” konsepsiyasına əsaslanan “dövlət xidmətlərinin şəffaf, məsuliyyətli və səmərəli çatdırılması” prinsipinin BMT sistemi daxilində təşviq edilməsidir.

Qeyd edək ki, “Reverse Linkage” (Qarşılıqlı əlaqə) İİB tərəfindən üzv ölklərin inkişafını artırmaq üçün, eləcə də ölkələr arası həmrəyliyi genişləndirmək və etibarlı tərəfdaşlıq formalaşdırmaq məqsədilə Cənub-Cənub əməkdaşlığı platforması üzrə  irəli sürülən  təşəbbüsdür.  Bu təşəbbüsün əsas hədəfi üzv ölkələrin potensialını digər üzv ölkələrin potensialına uyğunlaşdırmaq, hər hansı bir üzv ölkənin qabaqcıl təcrübəsini digər ölkəyə ötürməkdir. 

Məqaləyə keçid: (səhifə 117-120)

http://digital.tudor-rose.co.uk/reverse-linkage/#117 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!