İsmayıllıda iyunun 1-dən axşamüstü başlayan və bu saatlaradək hələ də davam edən güclü küləklə müşayiət olunan leysan yağışları bir sıra fəsadlar törədib.
Rayon fövqəladə hallar komissiyasından AZƏRTAC-ın bölgə müxbirinə bildirilib ki, İsmayıllıda elektrik, yol və kənd təsərrüfatına, habelə fərdi təsərrüfatlara ciddi ziyan dəyib. Belə ki, güclü külək və leysan yağışları 6 fərdi yaşayış evində, 5 yardımçı tikilidə və 2 sahibkarlıq obyektində dağıntılar törədib. Habelə 1 ədəd “VAZ 21099” markalı avtomobilin üzərinə ağac aşıb. İki vətəndaşa məxsus daş hasar uçub. Diyallı kənd mədəniyyət evinin 600 kvadratmetrlik dam örtüyü tamamilə dağılıb, nəticədə iki məcburi köçkün ailəsi çətin vəziyyətə düşüb, onların əmlaklarına ziyan dəyib.
Lahıca gedən yolda dağ uçqunu nəticəsində qəsəbə ilə avtomobil əlaqəsi kəsilib. İsmayıllı şəhərinin bəzi məhəllələrində və 19 kənddə elektrik verilişində problemlər yaranıb.
Dağ çaylarında sel sularının artması ilə əlaqədar Sulut və Kəlbənd kəndlərinə gediş-gəlişdə məhdudiyyət yaranıb. Talıstan və Mücü kəndlərinin su təsərrüfatına ziyan dəyib. Sel-suları nəticəsində kənddaxili yollarda da dağıntılar olub.
İyunun 2-də günorta saatlarınadək əksər ərazilərdə elektrik enerjisinin verilişi bərpa edilib. Hazırda təbii fəlakətin törətdiyi fəsadların aradan qaldırılması istiqamətində tədbirlər görülür.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!