Qazaxıstan Xəzərin hüquqi statusu haqqında Konvensiyanı yaxın vaxtlarda ratifikasiya etməyi planlaşdırır.
Trend-in məlumatına görə, bunu Qazaxıstan Xarici İşlər Nazirliyinin (XİN) xüsusi tapşırıqlar üzrə səfiri Zülfiyyə Amanjolova deyib.
O qeyd edib: "Biz ən yaxın zamanda həmin Konvensiyanı ratifikasiya etmək niyyətindəyik. Hər halda XİN təxirə salmadan dövlətdaxili prosedurların icrasına başlayacaq. Sənədi hökumətə təqdim edəcəyik. Bununla bağlı bizim üçün müddət, prosedurlar müəyyən edilib. Bu məsələ barədə qərarın yubadılacağını düşünmürəm".
XİN rərmisinin sözlərinə görə, sonra hökumət sənədi parlamentə göndərəcək: "Xəzəryanı ölkələr bu məsələnin razılaşdırılması üçün uzun yol qət ediblər".
Xatırladaq ki, avqustun 12-də Aktauda keçirilən Xəzəryanı ölkələrin sammitinin yekunu üzrə Azərbaycan, Rusiya, İran, Qazaxıstan və Türkmənistan prezidentləri Xəzər dənizinin hüquqi statusu haqqında Konvensiyanı imzalayıblar.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!