İranın cənubunda yerləşən Əhvaz şəhərində hərbi parad zamanı naməlum şəxslərin hərbçilərə atəş açması nəticəsində ölənlərin sayı 24-ə çatıb. AzVision.az xəbər verir ki, bu barədə Press TV məlumat yayıb.

***

İranın Əhvaz şəhərində hərbi parad zamanı azı 10 nəfərin ölümünə səbəb olan insidentlə bağlı məsuliyyəti "Əl-Əhvaziyə" separat qruplaşması öz üzərinə götürüb. Trend-in məlumatına görə, İran HQ-nın nümayəndəsi atəş açan bütün şəxslər artıq zərərsizləşdirilib.

***

İranın cənubunda yerləşən Əhvaz şəhərində hərbi parad zamanı naməlum şəxslərin hərbçilərə atəş açması nəticəsində ölənlərin sayı 10-a çatıb. 

AzVision.az xəbər verir ki, bu bardə İranın “Tasnim” agentliyi məlumat yayıb.

Xuzestan əyaləti qubernatorunun siyasi məsələlər üzrə müavini Əli Hüseyn Hüseynzadə bildirib ki, "Qorxaqcasına edilmiş terror hücumunda ölənlərdən biri jurnalistdir. 21 nəfər isə yaralanıb. Yaralılardan bir neçəsinin vəziyyəti ağır olduğundan, ölənlərin sayının artacağı istisna edilmir." 

***

İranın Əhvaz şəhərində hərbi parad zamanı baş verən atışmada SEPAH-ın 8 əskərinin öldüyü bildirilir. Trend-in məlumatına görə, biri uşaq, biri qadın olmaqla 7 nəfərin isə yaralandığı qeyd edilir.

İran rəsmi KİV-ləri hadisəni terror aktı kimi təqdim edib.

***

İranın cənub-qərbində, Əhvaz şəhərində hərbi parad zamanı atışma olub.

Trend-in məlumatına görə, naməlum şəxslər hərbi konvoyu atəşə tutub.

İlkin məlumata görə, insident nəticəsində bir neçə əsgər ölüb, yaralılar da var.

Məlumata görə, naməlum şəxslər atəşi parad keçirilən əraziyə yaxın yerləşən parkdan açıblar. Ölən və yaralanan əsgərlərlə yanaşı, mülki şəxslərin də xəsarət aldıqları bildirilir.

Son məlumata görə, atəş açan şəxslərdən birinin zərərsizləşdirilib, digərilərinin isə hadisə yerindən qaçmağa müvəffəq olduqları qeyd edilir. Həmin şəxslərin axtarışları aparılır.

Yaralılar xəstəxanaya çatdırılır.