USD - EUR - RUB - TRY - DAHA ÇOX
YENİLİKLƏR
Mənəvi dəyərlər: Əxlaq və din Mərkəzi Bankın departament direktoru ASAN Radioda sualları cavablandıracaq  “ASAN Həyat” verilişində “Baku FinTech Forum 2023” tədbiri barədə danışılacaq "Su Gündəmi" verilişində mütəxəssislərə sual verə bilərsiniz "Həyat sığorta ilə rahat"
İSESKO “ASAN xidmət” modelindən faydalanmağı tövsiyə edib

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin nümayəndə heyəti İSESKO Baş Konfransının Rabat şəhərində keçirilmiş 13-cü sessiyasında tərəfdaş təşkilat statusunda iştirak edib.

ASAN Radio xəbər verir ki, ölkəmiz sessiyaya təşkilatın 12-ci Baş Konfransının sədri qismində qatılıb.

Tədbirdə çıxış edən Dövlət Agentliyinin Aparatının rəhbəri Azad Cəfərli Azərbaycanla İSESKO arasında əməkdaşlığın yüksək səviyyədə olduğunu bildirib, Azərbaycan Prezidenti İlham Əliyev tərəfindən son illər dövlət idarəçiliyinin təkmilləşdirilməsi və müasirləşdirilməsi istiqamətində həyata keçirilən islahatlar və bu islahatların tərkib hissəsi olan "ASAN xidmət" barədə məlumat verib.

"ASAN xidmət"in 2015-ci ildə BMT-nin dövlət xidmətləri mükafatına layiq görüldüyü və müvafiq sahədə ən uğurlu həll olduğu, elm, mədəniyyət və təhsil də daxil olmaqla sahələr üzrə idarəetmə ilə bağlı səmərəli praktiki sistem qismində çıxış etdiyi vurğulanıb.

Dövlət Agentliyi ilə İSESKO arasında imzalanmış Anlaşma Memorandumunun önəmindən bəhs edilib. Həmçinin tədbir iştirakçılarının diqqətə çatdırılıb ki, Dövlət Agentliyi təşkilata üzv dövlətlərdə dövlət xidmətlərinin göstərilməsi sahəsini daha da təkmilləşdirmək üçün “ASAN xidmət” modelinin tətbiqi üzrə əməkdaşlığa hazırdır.

Sessiyada bir sıra məsələrlə yanaşı, İSESKO-nun 2019-2021-ci illər üzrə üçillik Fəaliyyət Planı və Büdcəsi, 2019-2027-ci illər üzrə ortamüddətli Strateji Fəaliyyət Planı müzakirə edilib və qəbul olunub.

İSESKO-nun 2019-2021-ci illər üzrə üçillik fəaliyyət planında üzv ölkələrdə sektoral idarəçilik mexanizminin inkişaf etdirilməsi məqsədilə dövlət idarəçiliyi sahəsində Azərbaycanın qabaqcıl təcrübəsi olan “ASAN xidmət” modelindən faydalanmaq tövsiyə olunub.

Səfər çərçivəsində Afrika Birləşmiş Şəhərlər və Yerli Hökumət Təşkilatının (UCLG Afrika) Afrika Yerli İdarəetmə Akademiyasnın (ALGA) rəhbəri Nəcat Zarrukla görüş keçirilib. Görüşdə cari ilin iyun ayında Dövlət Agentliyi ilə Afrika Birləşmiş Şəhərlər və Yerli Hökumət Təşkilatı arasında imzalanmış Anlaşma Memorandumunun implementasiyası çərçivəsində birgə təşəbbüslərin həyata keçirilməsi istiqamətində müzakirələr aparılıb.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 44
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 44 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!