Noyabrın 9-da Azərbaycan Dövlət Akademik Milli Dram Teatrının binasında Xalq artisti Amaliya Pənahova ilə vida mərasimi keçirilir.
ASAN Radio xəbər verir ki, vida mərasimində mərhumun ailə üzvləri, tanınmış mədəniyyət və incəsənət xadimləri, rəsmi şəxslər, deputatlar iştirak edirlər.
“Azərbaycan mədəniyyətinə ağır itki verib”. Bunu vida mərasimində çıxışı zamanı mədəniyyət naziri Əbülfəs Qarayev bildirib.
Nazirin sözlərinə görə, cəmiyyət tərəfindən verilən reaksiya sübut edir ki, teatr sənəti olduqca vacib bir sənətdir:
“Amaliya Pənahova bəlkə də əvəzolmaz bir şəxsiyyətdir. Dəyərli və unudulmaz bir qadındır. O, 73 yaşında uzun sürən xəstəlikdən sonra dünyasını dəyişib.
Məndə olan məlumata görə, rəhbəri olduğu Bakı Bələdiyyə Teatrının məşqlərinə müalicə aldığı xəstəxanadan çıxıb gələrək nəzarət edirdi. Dünən xəbəri eşidən kimi, hörmətli prezident İlham Əliyev və birinci xanım Mehriban Əliyeva başsağlığı verdi və vida mərasiminin yüksək səviyyədə keçirilməsi barədə tapşırıqlar verdi. Allah ona rəhmət etsin”.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!