Uzun illərdir ki, Avropa ölkələrində qızılcanın yayılması prosesi davam edir. Qonşu Gürcüstanda da qızılcaya yoluxanların sayı artıb. Əhali arasında peyvənd aparılması bu sahədə böyük profilaktiki əhəmiyyət daşıyır. Ona görə də peyvənd aparılması çox mühüm məsələdir.
Bu fikirləri AZƏRTAC-a Respublika Gigiyena və Epidemiologiya Mərkəzinin direktor müavini Afaq Əliyeva deyib.
Onun sözlərinə görə, Avropa ölkələrində qızılca xəstəliyinə yoluxanlarının sayının həddindən artıq olmasını nəzərə alaraq, böyüklərin immunizasiyası üçün qızılca-məxmərək əleyhinə vaksin gətirilməsi nəzərdə tutulur. Artıq Səhiyyə Nazirliyi UNICEF-ə 106 min doza vaksinin ölkəyə gətirilməsi üçün sifariş verib. Vaksinlər böyüklərin immunizasiyası üçün istifadə edilləcək.
Direktor müavini bildirib ki, vaksinlər ölkəmizə gətirildikdən sonra nazirliyin əmrinə müvafiq olaraq, 18 yaşdan yuxarı şəxslər ərazi poliklinikalarına müraciət edərək peyvənd oluna bilərlər. Vaksinlərin martın sonu-aprelin əvvəlində Azərbaycana gətirilməsi nəzərdə tutulur.
Qeyd edək ki, ölkəmizdə uşaqlar arasında bu xəstəliyə təsadüf edilmir, bununla belə onların immunizasiyası üçün kifayət qədər vaksin var. Xəstəliyə tək-tək hallarda yalnız böyüklər arasında rast gəlmək olar.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!