Sabahdan Bakı Şəhər Təcili və Təxirəsalınmaz Tibbi Yardım Stansiyası “Formula 1” üzrə Azərbaycan Qran-prisi ilə bağlı gücləndirilmiş iş rejimində çalışacaq.
ASAN Radio xəbər verir ki, bu barədə ONA-ya Bakı Şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyev məlumat verib.
Onun sözlərinə görə, “Formula 1” üzrə Azərbaycan Qran-prisi ilə bağlı 26 tibbi yardım briqadası idmançılara və qonaqlara xidmət göstərəcək.
“12 tibbi yardım briqadası Bakı Şəhər Halqasının ətrafında, 12 tibbi yardım briqadası Dənizkənarı Milli Parkda və Bakı Kristal Hallın ətrafında tədbir zamanı tibbi yardım xidmətini təşkil edəcək. 2 briqada isə idmançıların yaşadığı ərazidə xidmət göstərəcək”, - R. Nağıyev qeyd edib.
Xatırladaq ki, “Formula 1” üzrə Azərbaycan Qran-prisi aprelin 26-28-da Bakıda keçiriləcək.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!