Avropa Liqasındakı təmsilçimiz “Qəbələ” II təsnifat mərhələsində cavab oyununu keçirib. “Qırmızı-qaralar” bu gün Macarıstanın MTK klubu ilə qarşılaşıblar.
Səfərdə keçirilən ilk görüşdə 2:1 hesabı ilə qalib gələn Roman Qriqorçukun yetirmələri görüşün taleyini birinci hissədə həll ediblər. Belə ki, ilk oyunda olduğu kimi yenə qələbə qazanan “Qəbələ” bu dəfə hər iki qolunu fasiləyədək vurub.
Oyunun 7-ci dəqiqəsində Baqali Dabonun ötürməsindən sonra Sergey Zenyov hesabı açıb. 28-ci dəqiqədə Teo Uiks Dabonun ötürməsini başla qapıya göndərib.
Bununla, mövsümdə keçirdiyi 4-cü oyunda 3-cü qələbəsini qazanan “Qəbələ” III təsnifat mərhələsinə yüksəlib.
Qriqorçukun yetirmələri bu mərhələdə Fransa təmsilçisi “Lill”lə görüşəcək.
Qeyd edək ki, növbəti mərhələnin ilk oyunları iyulun 28-də baş tutacaq. “Qəbələ” həmin gün Fransada “Lill”in qonağı olacaq.
Avropa Liqasının II təsnifat mərhələsi, cavab oyunu
21 iyul
“Qəbələ” (Azərbaycan) – MTK (Macarıstan) - 2:0
Qollar: Sergey Zenyov, 7, Teo Uiks, 37
Baş hakim: Mete Kalkavan
Bakı. 8-ci km qəsəbə stadionu
İlk oyun - 2:1
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!