"BMT gənclərin inkişafı sahəsində Azərbaycana dəstək verməyə hazırdır. Bu məsələ Azərbaycan və BMT arasında əməkdaşlıq üzrə yeni çərçivə sazişində əks olunacaq".
ASAN Radio "Report"a istinadən xəbər verir ki, bunu BMT-nin rezident əlaqələndiricisi Qulam İsakzai "ADA" Universitetində keçirilmiş və BMT-nin yaranmasının 71 illiyinə həsr olunmuş "Azərbaycanda davamlı inkişafa nail olunmasında gənclərin rolu" mövzusunda panel müzakirələri zamanı deyib.
O, Azərbaycanda Davamlı İnkişaf üzrə Milli Koordinasiya Şurasının yaradılmasının BMT üçün çox əhəmiyyətli olduğunu qeyd edib. Q.İsakzai bunu Azərbaycanın BMT-nin davamlı inkişaf məqsədlərinin həyata keçirilməsinə sadiqliyi kimi qiymətləndirib.
"Azərbaycan hökumətinin bu addımlarını dəstəkləyirik. Bundan əlavə, bu il Gəncədə Avropa Gənclər Forumu açılıb, aprel ayında isə Bakıda 7-ci Sivilizasiyalar Forumu keçirilib" - BMT-nin rezident əlaqələndiricisi xatırladıb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!