Dekabr 23-də İspaniya La Liqasında “Real Madrid” və “Barselona” klubları qarşı-qarşıya gələcəklər.
ASAN Radio xəbər verir ki, “El Klassiko” adlanan oyunda meydançaya dünyanın ən bahalı futbolçularına malik iki komanda çıxacaq.
“Real Madrid” klubu 743,8 milyon avro ilə dünyada ən bahalı futbol komandası hesab edilir. “Barselona” isə 706,5 milyon avro ilə Madrid təmsilçisindən sonra bu göstəriciyə görə ikinci yeri tutur. İki komandanın oyunçularının hazırkı bazar qiyməti, ümumilikdə, 1 milyard 450 milyon 300 min avrodur.
“Real Madrid”in ən qiymətli futbolçusu portuqaliyalı Kriştiano Ronaldodur (100 milyon avro). Uelsli Qaret Beyl 80 milyon avro ilə ikinci sırada yer alır. Sonrakı yerlərdə almaniyalı futbolçu Toni Kros (70 milyon), fransalı hücumçu Kərim Benzema (60 milyon avro) qərarlaşıb.
İki komandanın heyətindəki oyunçular arasında isə ən bahalı futbolçu “Barselona”nın argentinalı ulduzu Lionel Messidir. O, 120 milyon avro dəyəri ilə siyahının zirvəsində yer alır. Uruqvaylı hücumçu Luis Suarez 90 milyon avro dəyəri ilə ikinci, Sergio Busqets 60 milyon avro ilə üçüncü yeri tutur. Türkiyəli Arda Turanın qiyməti isə 15 milyon avrodur.
“Barselona” sabahkı oyunda qalib gələcəyi təqdirdə “Real Madrid”lə arasındakı xal fərqini 14-ə çatdıraraq çempionluq yolunda indidən böyük üstünlük əldə edəcək.
Xatırladaq ki, dünyada milyonlarla tamaşaçının böyük maraqla gözlədiyi bu oyun Bakı vaxtı ilə saat 16:00-da başlayacaq.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!