Bu gün Bakıdakı Milli Gimnastika Arenasında cüdo üzrə dünya çempionatına start veriləcək.
AZƏRTAC xəbər verir ki, sentyabrın 27-dək davam edəcək çempionatda 129 ölkədən 800-dən çox cüdoçu mübarizə aparacaq.
Yarışın ilk günündə 60 kiloqram çəki dərəcəsində kişilər, 48 kiloqram çəki dərəcəsində isə qadınlar tatami üzərinə çıxacaqlar. Ölkəmizi bu çəki dərəcəsində Orxan Səfərov, Kəramət Hüseynov və Aişə Qurbanlı təmsil edəcəklər. O.Səfərov ilk görüşündə Monqolustan təmsilçisi Amartuvşin Bayaraa, K.Hüseynov belçikalı Joran Şildermans, A.Qurbanlı isə niderlandlı Amber Gersjes ilə qarşılaşacaq.
Çempionatda fərdi yarışlar hər gün saat 10:00-da, medal uğrunda qarşılaşmalar saat 16:00-da başlayacaq.
Dünya çempionatına biletləri “ASAN xidmət” mərkəzlərindən, şəhərimizin bütün kassalarından, eləcə də onlayn qaydada “iTicket.az” saytından almaq olar.
Kateqoriyalara uyğun olaraq biletlərin qiyməti səhər yarışları üçün 1,5, VIP yerlərə 25 manat, final mərhələsi üçün isə 2 manatdan 10 manatadək, VIP yerlərə 50 manatdır.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!