Sumqayıt regional “ASAN xidmət” mərkəzi  “Radio və televiziya işçilərinin peşə bayramı” ilə əlaqədar olaraq “Könüllü məşhurlar” layihəsi çərçivəsində növbəti qonağını qəbul edib. Məşhur aparıcı, ASAN Radionun direktoru Emin Musavi Sumqayıt regional “ASAN xidmət” mərkəzinin qonağı olub.

“Könüllü məşhur” cari və məzun könüllülərlə çay süfrəsi arxasında görüşüb, öz həyat təcrübəsindən, eləcə də Radio və televiziya tarixindən və jurnalistika sənətinin əhəmiyyətindən, əldə etdiyi uğurlardan danışıb və könüllülər tərəfindən verilən sualları cavablandırıb.

Sonra “Könüllü məşhur” könüllülük fəaliyyətinə başlayıb, ərizə masasında vətəndaşların ərizə və anketlərini doldurub, növbə aparatında vətəndaşlara növbə verib, hazır sənəd pəncərələrində xidmət göstərib, vətəndaşlardan sorğu götürüb.

Emin Musavi "Yaşıl ASAN", "Əsgərə məktub" layihələrinə dəstəyini ifadə edib. Bütün fəaliyyəti  nəzərə alınaraq, Emin Musavi “Radio və televiziya işçilərinin peşə bayramı” ilə əlaqədar Sumqayıt regional “ASAN xidmət” mərkəzində “Könüllü məşhurlar” layihəsi çərçivəsində könüllü olaraq vətəndaşlara xidmət və vətəndaş axınının idarə olunması sahələri üzrə fəaliyyət göstərdiyi üçün 1-ci dərəcəli ŞƏHADƏTNAMƏ ilə təltif olunub.