14 mart 2019-cu il tarixdə Bakı Dövlət Universitetində ”Bir könüllüdən min könüllüyə” adlı layihənin 9-cu seminarı keçirilib.
Layihə Azərbaycan Respublikası Gənclər Fondunun maliyyə dəstəyi, ASAN Könüllülük Məktəbinin və ASAN Könüllüləri Təşkilatının təşkilatçılığı, ASAN Radionun informasiya dəstəyi ilə həyata keçirilir.
”Bir könüllüdən min könüllüyə” layihəsinin məqsədi ali və orta ixtisas təhsil müəssisələrində təhsil alan gənclər arasında könüllülük fəaliyyətinin təbliği və təşviqi, sosial xidmətlər sahəsində könüllü müraciətlərinin sayını və onların bu sahəyə marağını artırmaqdır.
Qeyd edək ki, tədbiri Universitetin Tələbə Həmkarlar İttifaqı Komitəsinin sədri, hüquq üzrə fəlsəfə doktoru Daşqın Qənbərov açaraq qonaqları salamlayıb. Ölkəmizdə gənclərin, o cümlədən Bakı Dövlət Universitetinin tələbələrinin könüllülük fəaliyyətinə xüsusi maraq göstərməsini müsbət qiymətləndirmiş, ölkəmizdə keçirilən yerli və beynəlxalq tədbirlərdə könülülərin rolunun əvəzsiz olduğunu qeyd edib. Daha sonra Dövlət Agentliyinin İnsan resursları və Təlim şöbəsinin müdir müavini, ASAN Könüllülük Məktəbinin rəhbəri Cahangir Hacıyev ölkəmizdə geniş vüsət almış könüllülük hərəkatından söz açaraq bu fəaliyyətin ölkə başçısı tərəfindən yaxından dəstəklənməsini, gənclərinin inkişafina yönəlmiş layihələrdə ASAN könüllülərinin yaxından iştirak etdiklərini qeyd edib. Daha sonra layihə rəhbəri Nərmin Cahangirova layihə barədə tələbələrə ətraflı məlumat verib. Layihənin qonağı YAŞIL ASAN Təşəbbüsünün rəhbəri Səkinə Həsənova ASAN könüllülərinin layihələrindən və öz uğurlarından bəhs edib. Daha sonra ASAN könüllüsü olmuş və hal-hazırda Ədliyyə Nazirliyinin penitensiar xidmətində çalışan Rövşən Abbasov və ASAN könüllüsü - UNEC tələbəsi , ML start-up.nin həmtəsisçisi Teymur Hacıyev könüllülüklə başlayan uğur hekayələrini universitetin tələbələri ilə bölüşdülər. 2-ci hissədə təlimçi Rəşad Məmmədov tələbələrə “Beynəlxalq Könüllülük proqramları və Azərbaycanda könüllülük hərəkatı” mövzusunda təlim keçmiş və tələbələri maraqlandıran sualları cavablandırıb.
XƏBƏR LENTİ
“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb.
24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb.
“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.
“ASAN Radio” dövlət xidmətləri sahəsində ixtisaslaşan ilk və yeganə radiodur.
Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır.
Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir.
“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır.
Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz.
“ASAN Radio” - Dəqiq, Operativ, Faydalı!