USD - 1.7 EUR - 1.8873 RUB - 0.0242 TRY - 0.2491 DAHA ÇOX
SON DƏQİQƏ
MM-in növbədənkənar sessiyasının ilk iclasları iyunun 1-i və 2-də keçiriləcək Əli Əhmədov: “Sosial şəbəkələrlə əlaqədar fəaliyyətdə hüquqi tənzimlənmə mexanizminin yaradılması sosial sifarişə çevrilib” Azərbaycanda daha 248 nəfər COVİD-19-a yoluxub, 101 nəfər sağalıb, 2 nəfər vəfat edib   Karantin dövründə maskadan istifadə ilə bağlı tələbələrin pozulmasına görə cərimələr müəyyənləşib AZAL və “Buta Airways” aviabiletlərin dəyişdirilməsi və qaytarılması müddətini uzadıb
İmişlidə "Könüllü veloyürüşü" keçirilib

İyunun 13-də İmişlidə rayon icra hakimiyyəti və İmişli Regional “ASAN xidmət” Mərkəzinin birgə təşkilatçılığı ilə 15 İyun - Milli Qurtuluş Gününə həsr olunmuş "Könüllü veloyürüşü" təşkil olunub. Yürüşdə 50-ə yaxın könüllü velosipedçi iştirak edib.

 

AZƏRTAC-ın bölgə müxbiri xəbər verir ki, tədbirdə rayon ictimaiyyətinin nümayəndələri, yeniyetmə və gənclər, yüzlərlə şəhər sakini iştirak edib.

 

Veloyürüşün keçirilməsində məqsəd ümummilli lider Heydər Əliyevin Azərbaycan üçün göstərdiyi misilsiz xidmətlərin diqqətə çatdırılması, həmçinin gənclər arasında sağlam həyat tərzinin təbliği, onların asudə vaxtının səmərəli təşkilindən ibarət olub.

 

“ASAN xidmət” Mərkəzinin önündə keçirilən tədbirdə çıxış edənlər Milli Qurtuluş Gününün tarixi əhəmiyyətindən söhbət açıblar. Bildirilib ki, ulu öndər Heydər Əliyevin xalqın təkidli tələbi ilə 1993-cü ildə ikinci dəfə hakimiyyətə qayıdışından sonra ölkənin ictimai-siyasi, sosial, iqtisadi, mədəni həyatının bütün sahələrində irəliləyişlər əldə olundu, ictimai siyasi sabitlik bərpa edildi. Natiqlər ölkəmizin hazırki sürətli sosial-iqtisadi inkişafını, regionda lider dövlətə çevrilməsini məhz Ümummilli Liderin təməlini qoyduğu siyasətin nəticəsi kimi dəyərləndiriblər.

 

Rəsmi hissə başa çatdıqdan sonra veloyürüşə start verilib. Yürüş İmişli Regional "ASAN xidmət" Mərkəzinin qarşısından start götürüb və 3 kilometr məsafə qət olunaraq Heydər Əliyev Mərkəzinin qarşısında başa çatıb.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio