USD - 1.7 EUR - 1.8907 RUB - 0.0265 TRY - 0.2924 DAHA ÇOX
SON DƏQİQƏ
İstirahət günlərində gözlənilən hava proqnozu açıqlanıb Azərbaycanda bələdiyyə üzvlüyünə namizədliyin irəli sürülməsi başlayır Prezident İlham Əliyev Latviyanın sabiq Prezidenti Raymonds Veyonislə görüşüb Azərbaycanın müdafiə xərcləri 20,9 faiz artırılacaq Şamaxıda "ASAN xidmət" mərkəzinin layihələndirilməsi və tikintisinin başa çatdırılmasına 20 milyon 335 min manat ayrılıb
AZINNEX və Özbəkistanın dövlət qurumu arasında memorandum imzalanıb

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Azərbaycan İnnovasiyaların İxracı Konsorsiumu (AZINNEX) və Özbəkistan Respublikasının Prezidenti yanında Layihə İdarəetməsi üzrə Milli Agentlik yanında Elektron Hökumət Layihələrinin İdarəedilməsi və Rəqəmsal Hökumət Mərkəzi arasında Anlaşma Memorandumu imzalanıb.

Agentliyin ictimaiyyətlə əlaqələr şöbəsindən ASAN Radioya bildiriblər ki, Azərbaycan İnnovasiyaların İxracı Konsorsiumunun İdarə Heyətinin sədri İlham Namazov və Elektron Hökumət Layihələrinin İdarəedilməsi və Rəqəmsal Hökumət Mərkəzinin direktoru Şahrəsul Şahazamiy tərəfindən imzalanmış memorandum çərçivəsində tərəflər elektron hökumət istiqamətində layihələr üzrə təcrübə mübadiləsini həyata keçirəcək, birgə forumlar, dəyirmi masalar təşkil edəcəklər.

AZINNEX-in nümayəndə heyəti, həmçinin Özbəkistanın Maliyyə Nazirliyində, Mərkəzi Bankda, Dövlət Vergi Komitəsində, Mirzo Ulugbek İnnovasiya Mərkəzində, Dövlət-Özəl Tərəfdaşlığının İnkişafı Agentliyində görüşlər keçirib və türkdilli dövlətlərdən olan sahibkarların iştirakı ilə keçirilən Türk Biznes və İnvestisiya Forumunda iştirak edib.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin təşəbbüsü ilə yaradılmış Azərbaycan İnnovasiyaların İxracı Konsorsiumu beynəlxalq reytinqlərdə ölkəmizin mövqeyinin daha da yaxşılaşması, intellektual, innovativ və rəqabətqabiliyyətli potensialın formalaşdırılması istiqamətində fəaliyyət göstərir. Konsorsium informasiya kommunikasiya texnologiyaları sahəsində fəaliyyət göstərən şirkətləri bir araya toplayaraq onların mənafelərinin qorumasını və beynəlxalq bazarda təmsil olunmasını, onların IT məhsullarının satışını həyata keçirir.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio