USD - 1.7 EUR - 1.8744 RUB - 0.0266 TRY - 0.2954 DAHA ÇOX
SON DƏQİQƏ
Prezident İlham Əliyev və birinci xanım Mehriban Əliyeva yaradıcılıq axşamına baxıblar İstirahət günlərində gözlənilən hava proqnozu Prezident İlham Əliyev KAICIID Beynəlxalq Dinlərarası və Mədəniyyətlərarası Dialoq Mərkəzinin Baş katibini qəbul edib Prezident Rusiyanın Şimali Qafqaz respublikalarının müsəlman din xadimlərini qəbul edib Abdullah Mətuq əl-Mətuq Tarix İnstitutunun fəxri doktoru oldu
"Qarabağ" bu gün Kiprdə APOEL-lə qarşılaşacaq

“Qarabağ” bu gün UEFA Avropa Liqasının (AL) qrup mərhələsində növbəti oyununu keçirəcək.

“Report” xəbər verir ki, Azərbaycan təmsilçisi IV turun görüşündə APOEL-in qonağı olacaq. Kiprin paytaxtı Nikosiyadakı “GSP Arena”da baş tutacaq görüş Bakı vaxtı ilə saat 21:55-də start götürəcək.

Bu komandaların oktyabrın 24-də Tofiq Bəhramov adına Respublika stadionunda gerçəkləşmiş III tur matçında heç-heçə qeydə alınıb – 2:2. Qarşılaşmanın 13-cü dəqiqəsində Dani Kintana hesabı açsa da, 29-cu dəqiqədə Maksim Medvedev avtoqola imza atıb. 45+1-ci dəqiqədə Linus Hallenius qonaqları önə keçirdiyi halda, 58-ci dəqiqədə Ailton Silva son nöqtəni qoyub.

Qurban Qurbanovun rəhbərlik etdiyi kollektiv ilk turda İspaniyanın “Sevilya” komandasına Bakıda 3 cavabsız qolla uduzsa da, Lüksemburqda “Düdelanj”ı üstələyib - 4:1. APOEL isə evdə lüksemburqlulara 3:4, İspaniyada isə “Sevilya”ya 0:1 hesabı ilə məğlub olub.

Beləliklə, hesabında 4 xalı olan “Qarabağ” yer aldığı A qrupunda 2-ci sıradadır. Lider “Sevilya”nın 9, ikinci pillədəki “Düdelanj”ın 3, sonuncu yerdəki APOEL-in isə 1 xalı var.

APOEL indiyə qədər Avropa Liqasının qrup mərhələsində evdə keçirdiyi 10 oyundan 5-də qalib gəlib və 4-də uduzub. “Qarabağ” isə 13 matçdan 4-də qalib gəldiyi halda, 8 dəfə məğlub olub. Komandaların hərəyə 1 görüşü isə heç-heçə ilə yekunlaşıb. 

Meydan sahiblərinin heyətində argentinalı yarımmüdafiəçi Tomas de Vinsenti və sloveniyalı hücumçu Roman Bezyak zədəlidirlər. Ağdam komandasında isə xorvatiyalı yarımmüdafiəçi Filip Ozobiçlə Azərbaycan millisinin hücumçusu Mahir Emreli eyni səbəbdən meydana çıxa bilməyəcək.

Qeyd edək ki, qrupun digər matçında “Düdelanj” “Sevilya”nı qəbul edəcək.

UEFA Avropa Liqası

 

Qrup mərhələsi, IV tur

 

21:55. APOEL (Kipr) – “Qarabağ” (Azərbaycan)

 

Baş hakim: Manuel Şüttenqruber

 

Yan xətt hakimləri: Roland Brandner və Robert Ştaynaxer

 

Dördüncü hakim: Kristofer Joger (hamısı Avstriya)

 

Hakim-inspektor: Georgios Bikas (Yunanıstan)

 

UEFA nümayəndəsi: Ariel Kennet Şayman (İsrail)

 

Nikosiya, “GSP Arena”.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio