USD - 1.7 EUR - 1.8991 RUB - 0.0271 TRY - 0.294 DAHA ÇOX
SON DƏQİQƏ
İstirahət günlərində gözlənilən hava proqnozu Azərbaycan XİN ABŞ Senatının qətnaməsini qərəzli və hüquqi əsası olmayan sənəd hesab edir Prezident İlham Əliyev 20 Yanvar faciəsinin otuzuncu ildönümü haqqında Sərəncam imzalayıb Bu il Qazax rayonu istiqamətində sərhəd döyüş məntəqələrinin mövqeləri 1,5-1,7 km irəli çəkilib "ASAN xidmət" növbəti sosial rubrikaya start verib - Video
“ASAN İnkişaf Modeli - Qadınlar üçün AIM – W” çərçivəsində Şəkidə təlimlər

“ASAN Könüllüləri” Təşkilatı və “Coca-Cola” Fondunun birgə təşkilatçılığı ilə həyata keçirilən “ASAN İnkişaf Modeli - Qadınlar üçün AIM – W” (ASAN Improvement Model for Women) çərçivəsində Şəkidə təşkil olunan işgüzar inkişaf təlimləri başa çatıb.

Heydər Əliyev mərkəzində keçirilən bağlanış mərasimində təlimlərdə iştirak edən 230 iştirakçıya sertifikat və xatirə hədiyyələri təqdim olunub.

Bağlanış mərasimində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Könüllülərlə iş sektorunun müdiri Sahil Məmmədli, Şəki regional “ASAN xidmət” mərkəzinin direktoru Arzu Qocayev, Azərbaycan Dövlət Pedaqoji Universtitetinin Şəki filialının direktoru, dos. Rafiq Rəsulov, beynəlxalq təlimçi-ekspertlər Prof. Dr. Bülent Himmetoğlu, Dr. İşıl Keskin Şahan və Dr. Soner Şahan da iştirak ediblər. 

2019-cu il 26 noyabr – 1 dekabr tarixlərində Şəki rayonunda təşkil olunan bu layihədə iştirakçılara beynəlxalq təlimçi-ekspertlər tərəfindən sahibkarlıq fəaliyyəti və karyera inkişfaı üzrə müvafiq təlim modulları keçirilib, “Şəki üzrə turizm imkanları” mövzusunda seminar (workshop) təşkil olunub, iştirakçıların ideyaları dinlənilib, müvafiq dəstək formaları müzakirə olunub. Eyni zamanda iştirakçılara “ABAD” publik hüquqi şəxsin baş marketoloqu Nərmin Məmmədli tərəfindən “ABAD” mərkəzlərinin fəaliyyəti, ailə əməyinə əsaslanan təsərrüfatlara təqdim etdiyi xidmətlər, yaradılmış brendlər haqqında məlumatlandırıcı görüş baş tutub.

Qadınların işgüzar inkişaf platforması olan “AIM – W” layihəsinin məqsədi Azərbaycanda qadınların məşğulluq potensialının gücləndirilməsinə, o cümlədən regionlarda yaşayan qadın və qızların məşğulluğunun təmin edilməsinə və onların sahibkarlıq bacarıqlarının yüksəldilməsinə dəstək göstərməkdir.

Layihə çərçivəsində bundan əvvəl Mingəçevirdə və Qubada təlimlər baş tutub. Layihə Şəki ilə yanaşı, Gəncə, Qəbələ və Sumqayıt iqtisadi zonalarını da əhatə edəcək. 

Qeyd edək ki, Azərbaycanda turizm sahəsində mövcud olan geniş imkanları nəzərə alaraq, “AIM-W” 2019-2020-ci illər üzrə fəaliyyətini “Turizmdə qadınlar” mövzusu üzrə icra edir.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio