USD - 1.7 EUR - 2.0003 RUB - 0.0234 TRY - 0.2438 DAHA ÇOX
SON DƏQİQƏ
Yaqut Qarayeva: “Məktəblərin və uşaq bağçalarının açılması müzakirə olunur” Azərbaycanda bir gündə 714 nəfər COVID-19-dan sağalıb, 7 nəfər vəfat edib ÜST: Koronavirusa qarşı 25 namizəd peyvənd insan sınaqları mərhələsindədir Karantin rejimi yumşaldılacaq? - AÇIQLAMA Milli Məclisin növbədənkənar iclasının vaxtı və gündəliyi məlum olub
BMT və ASAN Radio BMT 75 təşəbbüsünün Azərbaycanda təşviqinə başlayır

BMT-nin Azərbaycandakı nümayəndəliyi və “ASAN Radio” Azərbaycanda BMT 75 təşəbbüsünü təşviq etmək üçün yeni layihəyə başlayır. Ən böyük qlobal müzakirə olan bu təşəbbüs Birləşmiş Millətlər Təşkilatının 75-ci ildönümünə həsr olunub. Layihə 20 dəqiqəlik həftəlik verilişdən ibarət olacaq və BMT 75 təşəbbüsünün ilboyu soruşacağı üç əsas sualı müzakirə edəcək: "Hansı gələcəyi qurmaq istəyirik?"; Biz düzgün yoldayıqmı?"; və "Boşluğu aradan qaldırmaq üçün hansı addımları atmalıyıq?".

“BMT 75” adlanan veriliş həftənin çərşənbə axşamı günlərində saat 18:05-də efirə gedəcək və dövlət qurumları, vətəndaş cəmiyyəti, akademik dairələr, özəl sektor və gənclər təşkilatlarının nümayəndələrini bir araya gətirəcək.   

"BMT75 sadəcə yubiley münasibətilə keçirilən bir bayram olmayacaq. Bu, BMT-nin qorxu və münaqişələrdən azad dünya vədinin daha yaxşı həyata keçirməsini təmin etmək üçün birgə işləmək, habelə müxtəlif strategiya və təklifləri dinləmək ili olacaq,” BMT-nin Azərbaycandakı rezident əlaqələndiricisi Qulam İshaqzai bildirib.

Bu veriliş həmçinin BMT 75 təşəbbüsünün əsas elementlərindən olan bir dəqiqəlik qlobal sorğunu da təşviq edəcək. Sorğu Azərbaycan dilinə də tərcümə olunub - https://un75.online/?lang=aze. Onun nəticələri dünya liderləri və BMT-nin yüksək rütbəli rəsmilərinə bu ilin sentyabrın 21-də BMT-nin 75 illik yubileyi münasibətilə keçiriləcək yüksək səviyyəli tədbir zamanı təqdim ediləcək.

“ASAN Radio” Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində fəaliyyət göstərir və əsasən maarifləndirici verilişlərə üstünlük verir.

 

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio” dövlət xidmətləri sahəsində ixtisaslaşan ilk və yeganə radiodur. “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya ... Radio Şurasının iclasında verilib.
© 2018 ASAN Radio