ASAN Radio

ABŞ-da Kapitoliya binası Trampın tərəfdarlarından təmizlənib, saxlanılanlar var

Yanvar 07,2021 07:16

Vaşinqtonda vəziyyət gərginləşib. Hazırkı prezident Donald Trampın tərəfdarları Kapitoliya binasına soxulublar. Atışma baş verib, azı 5 nəfər yaralanıb. Onlardan biri , orta yaşlı qadın ölüb. Etirazçılar bir neçə saatdan sonra binadan uzaqlaşdırılıblar. Amma buna baxmayaraq minlərlə insan "Amerikanı xilas et" şuarı altında mitinqi davam etdiriblər. Xeyli sayda insan saxlanılıb. Polislər arasında da xəsarət alanlar var. Vaşinqton rəhbərliyi şəhərin mərkəzində etiraz və iğtişaşlar fonunda komendant saatı tətbiq edib. Tramp xalqa müraciətində seçkilərin nəticələrini heç vaxt qəbul etməyəcəyini və bununla bağlı güzəştə getməyəcəyini söyləyib. O, daha sonra etirazçıların sayının getdikcə artdığını gördükdən sonra, tvitterdə yazıb ki, hər kəsdən xahiş edirəm ki, sülhə riayət edək. Zorakılığı dayandıraq! Seçkilərin qalibi Cozef Bayden isə təcili olaraq tvitter vasitəsilə xalqa müraciət ünvanlayıb. O bildirib ki, “Tramp Konstitusiyanı müdafiə etmək andını yerinə yetirməli və dərhal televiziya qarşısına çıxaraq tərəfdarlarından Konqresin yerləşdiyi Kapitoliyanın “mühasirəsinə” son qoyulmasını tələb etməlidir.”

XƏBƏR LENTİ

DAHA ÇOX

Əlaqə

Ünvan: Yasamal rayonu, A. M. Şərifzadə küç. 157

Əlaqə nömrəsi: 012 444 74 74

Efir nömrəsi: 012 56 56 100

Whatsapp nömrəsi: 070 65 56 100

Email: [email protected], [email protected]

Reklam:

Mobil: 050 60 06 100

Şəhər: 012 444 74 74 (daxili 80695)

Email: [email protected]

Haqqımızda

Azərbaycan Respublikasının Prezidenti cənab İlham Əliyevin tapşırığı ilə yaradılan ASAN Radio 24 dekabr, 2015-ci il tarixində yayıma başlayıb. Dövlət xidmətləri sahəsində ixtisaslaşan ilk və yeganə radiodur. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının iclasında verilib. ASAN Radio gün ərzində xəbərləri operativ çatdırır. Sosial mediada fəallığı ilə seçilir. İnternet üzərindən canlı yayım, audio, videoreportajlar yayımlayır, asanradio.az saytı daim yenilənir. ASAN Radio dövlət qurumları, beynəlxalq təşkilatlar və aparıcı şirkətlərlə əməkdaşlıq edir. Faydalı layihələr, proqramlar hazırlayır. ASAN Radio gələcəyin media işçilərini yetişdirir. ASAN könüllüləri, ADA Universitetinin, Azərbaycan Dillər Universitetinin, Bakı Dövlət Universitetinin, Bakı Slavyan Universitetinin jurnalistika fakültəsinin tələbələri radioda təcrübə keçirlər. ASAN Radio dinləyicisi üçün yalnız zövqlü musiqi səsləndirir. ASAN Radio mühüm sosial layihələrə informasiya dəstəyi göstərir. İrimiqyaslı yarışların, tədbirlərin, sərgilərin eksklüziv radio tərəfdaşıdır. ASAN Radionu asanradio.az saytından, mobil tətbiqlərdən dinləmək mümkündür. Azərbaycanda fəaliyyət göstərən 20 “ASAN xidmət” (Bakıda 5, bölgələrdə 15) və 2 “ASAN Kommunal” mərkəzində ASAN Radio səsləndirilir. Statistikaya görə hər ay 200.000 insan bu xidmətdən istifadə edir. Başqa sözlə bu qədər insan radiomuzu eşidir. ASAN Radio Azərbaycanın 82%-ni əhatə edir. Şuşada yayımlanan ilk radio – ASAN Radio oldu. İşğaldan azad olunan digər şəhər rayonlarda bizi 95.6 FM-də dinləmək mümkündür. Ümumilikdə, ASAN Radio respublika ərazisində 100 FM, 96.5 FM, 95.6 FM və 92.7 FM-də yayımlanır. ASAN Radio – Operativ Məlumat dalğası!