USD - 1.7 EUR - 1.7309 RUB - 0.0278 TRY - 0.0947 DAHA ÇOX
YENİLİKLƏR
"Mənəvi dəyərlər" verilişi qəbul imtahanı və ixtisas seçiminə həsr edilib ASAN Radioda "Danışır təcrübə" “Ulduz qonaq” “Kinderland”dəki ASAN Radioda!  “Azəriqaz” və "ASAN Radio"nun birgə layihəsi davam edir “Mənəvi dəyərlər” verilişini dinləyin, dəyərləndirin
ATU-da ürək qüsurlu uşaqlar üçün “Özəl yaz kampaniyası” keçirilir

Azərbaycan Tibb Universitetinin (ATU) Tədris Cərrahiyyə Klinikasında uşaqlar üçün “Özəl yaz kampaniyası” keçirilir. Martın 1-dən başlayan aksiya çərçivəsində 18 yaşadək olan uşaqlarda ürəkdə olan problemləri aradan qaldırmaq üçün kardioloji check-up (EXO, EKG və müayinə) müayinəsi aparılır.

Tədris Cərrahiyyə Klinikasının pediatrik-invaziv kardioloqu Elşən Rzayevin sözlərinə görə, müayinə zamanı uşaqlarda gizli ürək xəstəlikləri də tapılıb, üzə çıxarılacaq: “Aksiya bayram günlərində də davam edəcək. Həddindən artıq axın var aksiyaya. Bizim əsas məqsədimiz valideynlər arasında maarifləndirmə aparmaqdır, uşağın ürəyinin müayinə olunmasının vacibliyini onlara çatdırmaqdır. Bu məsələ həqiqətən də ciddi şəkildə yayılmalıdır”.

Kardioloq Elşən Rzayev uşaqlarda rast gəlinən kardioloji problemlərdən söz açaraq, valideynləri diqqətli olmağa çağırıb. Onun sözlərinə görə, Azərbaycanda ümumiyyətlə, pediatrik kardiologiya yeni yaranmağa başlayıb: “Bir çox valideynlər uşağın ürəyində problem ola biləcəyini ehtimal etmirlər. Yəni əhalimizdə “ürək xəstəliyi yaşlı adamda olar” tipli bir düşüncə var. Amma uşaqlarda anadangəlmə ürək qüsuru hallarına çox rast gəlinir. Bizim işimiz anadangəlmə qüsurları erkən yaşlarda aşkarlamaqdır”.

Kardioloqun sözlərinə görə, anadangəlmə ürək xəstəliklərini hətta ana bətnində də müalicə etmək mümkündür: “Hamiləliyin 12-ci həftəsindən başlayaraq, fetal exokardioqrafiya vasitəsilə dölün ürəyində dəyişiklik olub-olmadığını təyin edə bilirik. Bu tam 100 faizlik diaqnostik üsul olmasa da, kobud qüsurların hamısını aşkar edib, müvafiq tədbirlər görmək olur. Fetal dövrdən başlasaq və hər hansı qüsur aşkar etsək, artıq bu doğuşun harada və nə zaman olacağına qərar verə bilirik”.

Həkim bildirir ki, ana bətnində olan körpələrdə müxtəlif növ defektlərə rast gəlinir: “Doğulmamış uşaqlardan həm çox sadə, həm də çətin defektlər olur. Bu pediatrik kardioloji yardımda əsas faktorlardan biri zamandır. Bəzən elə xəstələr olur ki, aylar belə böyük rol oynayır. Məsələn, həmin xəstəliyi uşağın 3 aylığında rahatlıqla müalicə edə bilərdik, amma ana bizə artıq uşağın 7 aylığında müraciət edir. Bu artıq gecikmiş patologiya hesab edilir”.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)

“ASAN Radio” Azərbaycan Respublikasının Prezidenti cənab İlham Əliyevin tapşırığına əsasən yaradılıb. 

24 dekabr 2015-ci il tarixindən etibarən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində (“ASAN xidmət”) yayıma başlayıb. 

“ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının (indiki Audiovizual Şura) iclasında verilib.

“ASAN Radio” dövlət xidmətləri sahəsində ixtisaslaşan ilk və yeganə radiodur.

Xidmətlərlə yanaşı, “ASAN Radio” Azərbaycanda və dünyada baş verən vacib xəbərləri dinləyicilərinə birbaşa mənbədən, dəqiq və operativ çatdırır. 

Eyni zamanda, dinləyicilər bizim radioda aktual mövzuların müzakirə olunduğu maraqlı verilişlər və keyfiyyətli musiqi dinləyə bilir. 

“ASAN Radio” Bakıda və bölgələrdə 100, 96.5, 95.6 və 92.7 FM dalğalarında yayımlanır. 

Faydalı Məlumat dalğasını www.asanradio.az saytından və mobil tətbiqlərdən də dinləyə bilərsiniz. 

“ASAN Radio” - Dəqiq, Operativ, Faydalı!