USD - 1.7 EUR - 2.0009 RUB - 0.0231 TRY - 0.1985 DAHA ÇOX
SON DƏQİQƏ
Xəzər İbrahim Azərbaycanın ABŞ-da səfiri təyin edilib Anar Məhərrəmov Azərbaycanın Estoniyadakı səfiri təyin olunub Azərbaycanın Latviyadakı səfiri dəyişib Azərbaycanın İsveçrəyə yeni səfiri təyin edilib Vaqif Sadıqov Azərbaycanın Belçikada səfiri təyin edilib
“ASAN Könüllüləri” tərəfindən Peşəkar İnkişaf Kursları təşkil olunacaq

Yaşlı mütəxəssislərin bilik və bacarıqlarının gənc nəslə ötürülməsi və fəal yaşlanmanın təbliğ edilməsi məqsədilə “ASAN Könüllüləri” Təşkilatı tərəfindən Peşəkar İnkişaf Kursları təşkil olunacaq.

 

Əmək və Əhalinin Sosial Müdafiəsi Nazirliyi və BMT-nin Əhali Fondunun (UNFPA) birgə həyata keçirdiyi “Bütün yaşlar üçün cəmiyyətin qurulması: fəal yaşlanma yolu ilə Azərbaycanda yaşlıların rifahının təşviq edilməsi” layihəsi çərçivəsində təşkil edilən kurslar pensiya yaşına çatmış peşəkarlar tərəfindən tədris ediləcək.

 

Azərbaycan Respublikasının Birinci vitse-prezidenti Mehriban Əliyevanın təşəbbüsü ilə icra olunan layihə yaşlıların rifah halının yaxşılaşdırılmasına töhfə verməklə hökumətin “fəal yaşlanma” prosesinin təşviqi istiqamətində göstərdiyi səylərə dəstək vermək məqsədini daşıyır. “Fəal yaşlanaq, həyatımıza rəng qataq” şüarı ilə icra olunan layihə çərçivəsində ASAN könüllüləri tərəfindən yaşlıların daha aktiv və faydalı zaman keçirməsinə şərait yaradılır.

 

Yaşlı mütəxəssislərin zəngin təcrübəsini özündə birləşdirən bu kurslar əyani, virtual, hibrid formada və rəqəmsal innovativ platformalar vasitəsilə tədris ediləcək. “İlkin tibbi yardım”, “Maliyyə və mühasibatlıq”, “Hüquqşünaslıq”, “Psixologiya”, “Kiçik və orta biznesin idarəçiliyi”, “Mədəniyyət və incəsənət” mövzularında 6 istiqamət üzrə təşkil olunacaq kursları 70 peşəkar və pensiya yaşına çatmış mütəxəssis tədris edəcək.

 

Kursa müraciət üçün  [email protected] elektron poçt ünvanına ad, soyad, ata adı, təvəllüd, kursun mövzusu və əlaqə nömrəsi 1 iyul tarixinədək göndərilməlidir. Fəal yaşlanmanın önəmini nəzərə alaraq bu kurslarda yaşlı vətəndaşların da iştirak etməsi təşviq edilir. Hibrid (əyani) keçirilən kursda COVID-19 pasportu və ya immunitet sertifikatı olan iştirakçılara üstünlük veriləcək.

 

#FəalYaşlanma #SağlamYaşlanma #HealthyAgeing #ASAN #UNFPA #MLSPP #ASANVolunteers

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti cənab İlham Əliyevin tapşırığı ilə yaradılan ASAN Radio 24 dekabr, 2015-ci il tarixində yayıma başlayıb. Dövlət xidmətləri sahəsində ixtisaslaşan ilk və yeganə radiodur. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının iclasında verilib. ASAN Radio gün ərzində xəbərləri operativ çatdırır. Sosial mediada fəallığı ilə seçilir. İnternet üzərindən canlı yayım, audio, videoreportajlar yayımlayır, asanradio.az saytı daim yenilənir. ASAN Radio dövlət qurumları, beynəlxalq təşkilatlar və aparıcı şirkətlərlə əməkdaşlıq edir. Faydalı layihələr, proqramlar hazırlayır. ASAN Radio gələcəyin media işçilərini yetişdirir. ASAN könüllüləri, ADA Universitetinin, Azərbaycan Dillər Universitetinin, Bakı Dövlət Universitetinin, Bakı Slavyan Universitetinin jurnalistika fakültəsinin tələbələri radioda təcrübə keçirlər. ASAN Radio dinləyicisi üçün yalnız zövqlü musiqi səsləndirir. ASAN Radio mühüm sosial layihələrə informasiya dəstəyi göstərir. İrimiqyaslı yarışların, tədbirlərin, sərgilərin eksklüziv radio tərəfdaşıdır. ASAN Radionu asanradio.az saytından, mobil tətbiqlərdən dinləmək mümkündür. Azərbaycanda fəaliyyət göstərən 20 “ASAN xidmət” (Bakıda 5, bölgələrdə 15) və 2 “ASAN Kommunal” mərkəzində ASAN Radio səsləndirilir. Statistikaya görə hər ay 200.000 insan bu xidmətdən istifadə edir. Başqa sözlə bu qədər insan radiomuzu eşidir. ASAN Radio Azərbaycanın 82%-ni əhatə edir. Şuşada yayımlanan ilk radio – ASAN Radio oldu. İşğaldan azad olunan digər şəhər rayonlarda bizi 95.6 FM-də dinləmək mümkündür. Ümumilikdə, ASAN Radio respublika ərazisində 100 FM, 96.5 FM, 95.6 FM və 92.7 FM-də yayımlanır. ASAN Radio – Operativ Məlumat dalğası!
© 2018 ASAN Radio