USD - 1.7 EUR - 1.9921 RUB - 0.0233 TRY - 0.1971 DAHA ÇOX
SON DƏQİQƏ
“Regionlarda elektron xidmətlər barəsində savadlılığın artırılması” layihəsi başa çatıb   Prezident İlham Əliyev BMT Baş Assambleyasının 76-cı sessiyasında videomüraciət formatında çıxış edəcək Dövlət Agentliyinin sədri 4-cü “Texnofest” Festivalında iştirak edir   Dövlət Agentliyinin sədri Ülvi Mehdiyev Türkiyəyə müalicə üçün göndərilən qazilərimizi ziyarət edib Prezident İlham Əliyev və Mehriban Əliyeva Bakı Avropa Liseyinin yeni binasının açılışında iştirak edib
Türkiyə səfiri "ASAN xidmət"də

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Türkiyə Respublikasının Azərbaycandakı fövqəladə və səlahiyyətli səfiri Cahid Bağçı ilə ilə görüşüb. 

Görüşdə qonağa “ASAN xidmət” mərkəzlərinin fəaliyyəti barədə ətraflı məlumat verilib. Bildirilib ki, şəffaflığın artırılması və müasir innovasiyaların tətbiqi baxımından “ASAN xidmət”in yaradılması ilə Azərbaycanda səmərəli dövlət idarəçiliyinin təmin edilməsi sahəsində ciddi nailiyyətlər əldə olunub.

Qeyd edilib ki, “ASAN xidmət”ə bu günədək 46 milyondan çox vətəndaş müraciəti qeydə alınıb. Bundan başqa qonağa “ASAN xidmət”in 2015-ci ildə Birləşmiş Millətlər Təşkilatının Dövlət Xidmətləri Mükafatına, 2019-cu ildə isə BMT-nin rəqəmsal idarəetmənin tətbiqi ilə dövlət xidmətlərinin inkişafı sahəsində xüsusi mükafatına layiq görülməsi barədə məlumat verilib.

Eyni zamanda Dövlət Agentliyinin elektron hökumət sahəsində həyata keçirdiyi layihələr, eləcə də “ABAD” publik hüquqi şəxsin fəaliyyəti barədə ətraflı məlumat təqdim olunub. 

Bundan əlavə qonaq Türkiyə tərəfinin də imzalayan dövlətlər sırasında olduğu “Dövlət Xidmətləri Göstərən Qurumların ASAN Beynəlxalq Assosiasiyası”, eləcə də “ASAN ICESCO” mükafatı barədə məlumatlandırılıb.

Görüş zamanı Türkiyə Respublikasının müvafiq sahələr üzrə fəaliyyət göstərən qurum və təşkilatları davam edən uğurlu əməkdaşlıqdan bəhs olunub. 2020-ci ilin fevral ayında Dövlət Agentliyi ilə Türkiyə Respublikası Prezidenti Administrasiyasının Rəqəmsal Transformasiya Ofisi arasında imzalanmış Anlaşma Memorandumunun icra vəziyyəti müzakirə edilib.

Bundan başqa Türk Əməkdaşlıq və Koordinasiya Agentliyi (TİKA), Türkiyə Respublikası Prezidenti Administrasiyasının Rəqəmsal Transformasiya Ofisi, Türkiyə Respublikası Silahli Qüvvələrinin nəzdində fəaliyyət göstərən Fondlar ilə davam edən səmərəli əməkdaşlıq üzrə fikir mübadilə aparılıb.

Türkiyə Respublikasının Azərbaycan Respublikasındakı səfiri Vətən müharibəsində qazanılan şanlı qələbə münasibətilə Dövlət Agentliyinin sədrinə öz təbriklərini çatdırıb. 

Həmçinin səfir dövlət xidmətlərinin göstərilməsi üzrə Azərbaycanın qabaqcıl “ASAN xidmət” təcrübəsini və Dövlət Agentliyi tərəfindən elektron hökumət sahəsində həyata keçirilən işləri yüksək qiymətləndirib. 

Sonda səfirə “ABAD”çı tərəfindən hazırlanmış xatirə hədiyyəsi təqdim olunub.

Əlaqə
Ünvan: Yasamal rayonu, A. M. Şərifzadə küç. 157
Əlaqə nömrəsi: 012 444 74 74
Efir nömrəsi: 012 56 56 100
Whatsapp nömrəsi: 070 65 56 100
Reklam:
Mobil: 050 60 06 100
Şəhər: 012 444 74 74 (daxili 80695)
Azərbaycan Respublikasının Prezidenti cənab İlham Əliyevin tapşırığı ilə yaradılan ASAN Radio 24 dekabr, 2015-ci il tarixində yayıma başlayıb. Dövlət xidmətləri sahəsində ixtisaslaşan ilk və yeganə radiodur. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılan “ASAN Radio”ya 100 MHs tezliyində ümumrespublika radio yayımı üçün xüsusi razılıq (lisenziya) 2015-ci il sentyabrın 8-də Milli Televiziya və Radio Şurasının iclasında verilib. ASAN Radio gün ərzində xəbərləri operativ çatdırır. Sosial mediada fəallığı ilə seçilir. İnternet üzərindən canlı yayım, audio, videoreportajlar yayımlayır, asanradio.az saytı daim yenilənir. ASAN Radio dövlət qurumları, beynəlxalq təşkilatlar və aparıcı şirkətlərlə əməkdaşlıq edir. Faydalı layihələr, proqramlar hazırlayır. ASAN Radio gələcəyin media işçilərini yetişdirir. ASAN könüllüləri, ADA Universitetinin, Azərbaycan Dillər Universitetinin, Bakı Dövlət Universitetinin, Bakı Slavyan Universitetinin jurnalistika fakültəsinin tələbələri radioda təcrübə keçirlər. ASAN Radio dinləyicisi üçün yalnız zövqlü musiqi səsləndirir. ASAN Radio mühüm sosial layihələrə informasiya dəstəyi göstərir. İrimiqyaslı yarışların, tədbirlərin, sərgilərin eksklüziv radio tərəfdaşıdır. ASAN Radionu asanradio.az saytından, mobil tətbiqlərdən dinləmək mümkündür. Azərbaycanda fəaliyyət göstərən 20 “ASAN xidmət” (Bakıda 5, bölgələrdə 15) və 2 “ASAN Kommunal” mərkəzində ASAN Radio səsləndirilir. Statistikaya görə hər ay 200.000 insan bu xidmətdən istifadə edir. Başqa sözlə bu qədər insan radiomuzu eşidir. ASAN Radio Azərbaycanın 82%-ni əhatə edir. Şuşada yayımlanan ilk radio – ASAN Radio oldu. İşğaldan azad olunan digər şəhər rayonlarda bizi 95.6 FM-də dinləmək mümkündür. Ümumilikdə, ASAN Radio respublika ərazisində 100 FM, 96.5 FM, 95.6 FM və 92.7 FM-də yayımlanır. ASAN Radio – Operativ Məlumat dalğası!
© 2018 ASAN Radio